Santener i ganny onore
29-May-2014
Msye Bertie Edouard Mahoune, sa santener ki ti selebre son 100enm lanniverser le 21 Me, 2014, ti ganny onore dan en rasanbleman spesyal ki ti fer kot biro ladministrasyon distrik Plaisance Dimans pase.
Sa rankont ti deroul dan prezans Minis Zafer Sosyal, Devlopman Kominoter ek Spor Vincent Meriton, manm Lasanble Nasyonal pour distrik Plaisance Roma Aglae, konseye spesyal dan departman devlopman kominoter Dan Frichot, parmi lezot.
Msye Mahoune in toultan reste Rochon, ki tonm dan distrik Plaisance, e ganny dekri koman en zonm senp e debrouyer.
Msye Mahoune i en kwizinyen par profesyon e pour plizyer lannen son lavi in travay lo bato. Sa in enkli en tenk Angle kot i ti patisye, boulanze, maren e menm sef kwizinyen abor en lot tenk.
Apre en serten letan Msye Mahoune ti deside aret travay lo bato, e la i ti retourn Mahé kot i ti travay dan boulanzri.
Apard en dimoun ki ti devoue anver son louvraz, enn son bann pasyon ti lapes.
Msye Mahoune i annan 8 zanfan, e i fer 50-an depi ki li ek son dezyenm madanm, Yvana, i ansanm. Yvana i osi carer pour Msye Mahoune. I dir ki Msye Mahoune i ankor for e ki son memwar i ankor bon.
Sa rankont ti deroul dan prezans Minis Zafer Sosyal, Devlopman Kominoter ek Spor Vincent Meriton, manm Lasanble Nasyonal pour distrik Plaisance Roma Aglae, konseye spesyal dan departman devlopman kominoter Dan Frichot, parmi lezot.
Msye Mahoune in toultan reste Rochon, ki tonm dan distrik Plaisance, e ganny dekri koman en zonm senp e debrouyer.
Msye Mahoune i en kwizinyen par profesyon e pour plizyer lannen son lavi in travay lo bato. Sa in enkli en tenk Angle kot i ti patisye, boulanze, maren e menm sef kwizinyen abor en lot tenk.
Apre en serten letan Msye Mahoune ti deside aret travay lo bato, e la i ti retourn Mahé kot i ti travay dan boulanzri.
Apard en dimoun ki ti devoue anver son louvraz, enn son bann pasyon ti lapes.
Msye Mahoune i annan 8 zanfan, e i fer 50-an depi ki li ek son dezyenm madanm, Yvana, i ansanm. Yvana i osi carer pour Msye Mahoune. I dir ki Msye Mahoune i ankor for e ki son memwar i ankor bon.
0 comments :
Post a Comment